Fa enkawl hi thil har tak a ni a, tuma'n 'kei chu ka thiam khawp' an tih ka ring lo. Chuvang chuan ka tlangval lai atangin fa enkawl chungchanga thu ziak tha ka hmuh ka khawl te, keima irawm chhuak ve rengte nen ka vawng tha a hman hun huna chhiar atan ka dah a ka tih theih loh tam tak awm mahse inenfiahnan a tha hlein ka hria a, tun kar chho chu han post deuh char char ka'n tum a ni; lo hlawkpui in awm mial takin.
1) Naupang chu a kalna awm kawngah hruai la/zirtir la a upat hun pawhin a thlah lovang.
2) I Fa avanga i tah hun a thlen hma ngeiin naupang chu vel/zilh mai rawh.
3) Naupang leh Pathian inkarah nu leh pa an awm a, inzawmtirtu an nih loh vek chuan a daidangtu tal an ni thin.
4) I fate Lalpa lam kawng i zirtir loh chuan ramhuaiin sual lam kawng a zirtir tho tho vang.
5) Nu, Pathian tih mi Pakhatin Pastor za a hen.
6) Nungchang siamna hmun tha ber chu In chhung leh a vel hi a ni.
7) Nu leh pate hian kan fate hnenah thil pawimawh ber pakhat tih loh chu kan pe phal vek.Chu thil pawimawh chu ‘hun’ a ni.An thusawi ngaihthlak hun te, thil hriatthiampui hunte, tanpui hun te, kawng dik kawhhmuh hun te, tawngtaisak hun te leh ngaihsak hun te kan nei thei meuh lo.
8) Sawiselna kara seilian naupang chuan
Mi dangte sawisel a zir.
Innghirnghona kara seilian naupang chuan,
Insual chakna a thanlenpui.
Hlauhna hmuna seilian naupang chuan
Hlauthawnna a thanlenpui.
Fuih thatho fo thinna kara seilian naupang chuan,
Mahni inrintawkna a thanlenpui.
Hleih neih lohna hmuna seilian naupang chuan,
Dikna a thanlenpui
Dawhtheihna kara seilian naupang chuan,
Tawrhchhelna a thanlenpui.
Him tawka inhriatna hmuna seilian naupang chuan,
Amah leh a bula mite rinna a thanlenpui.
9) Ei leh In, Silh leh Fen ringawta fate duata, kawng dik kawhhmuh ngai lo nu leh pa chu an la tap ang a,retheihnain a la tlakbuak ang.
10) Thil tha lo reng reng a that lohna hrilhfiah hi a hlu bik a naupangin zawm an chak bik thin a, a that lohna sawifiah chuang lova ‘ti suh’ tih ringawt hian tihchhin chakna a thlen duh.
-------------------------------------------------------------------------------------------------------
1) I fa bawl ching suh, bawlna kara seilian naupang chuan thutak leh fiamthu a thliar hrang thiam lo.Puitling taka biak hi mi puitling an lo nihna bul a ni.
2) Ngai teh fanaute hi Lalpa laka kan
3) An nawrh avanga thil i tihsak/leisak chuan nawrh chhuah vek tur emaw a ti mai ang.
4) An laka i sawi tawh ‘ka ti ang’ i tih chu hlen ngei tum rawh tichuan an ringngam ang che.Ka vua ang che i tih chuan vaw ngei la, ka pe ang che i tih chu pe ngei ang che.
5) Tawngkam dengkhawng tak tak hman hi an rilru tichawlawltu an ni.entirnan:chhuak rawh, Lo haw tawh suh etc.
6) Duat avanga an sual/luhlul emaw anih chuan duat dan dik a ni ngai lo.
7) Nupa zia leh thiltih thinte fateah a lang chhuak thin.Naupang inkhualtelemah Nurse fate chuan dam lo an enkawl a, Zu zuar fate chuan zu an zuar thin.
8) Fate avang liau liau paw’n nu leh paten an nun an uluk a ngai.
9) Fate enkawlna kawnga engemaw changa khawng(strict) viau va, achanga inthlahdah hle si chu a tawpah a hlawhchham nge nge, tan mar pat a tul.
10) I zirtirnate chu a dika a tha ani tih lantirnan nangman nun chhuahpui hmasa ang che;chuti lo chuan i thu hmang vekin i faten thiam loh an chantir ang che.
a ni thei em em ang. Pa nih hma hauh pawhin i inpuahchahna a tha awm hle mai :P
ReplyDeleteA va tha em, superlike mawlh mawlh e. Ka lo save teh ang. Mahse, mihringah hian tha duh hauh lo hi a awm theih ang em aw ka ti thin!
ReplyDeleteHostel-a ka awmpui thalai thenkhat hi chu thu tha hi chu an hre lutuk, an nu leh pa te pawhin an hrilh nasa, mahse an rui reng a, class pawh an kal tha peih chuang der lo. Keimahni hian kan tum ve hi a ngai thin lo maw a chang hi chuan...te ka ti mai mai.
A tha hlawm khawp mai. A bikin a hlawm hmasa zawk number riatna khi tha ka ti lehzual.
ReplyDeleteFa ka la nei lem lo a! Ka ngaihtuah chang hian fa enkawl hi a lo awlsam dawn hauh lo mai. Fa fel leh puitling taka enkawl seiliana chhungkaw hlawhtling tak dinchhuak thei ngat chu an lo fakawm ngawt mai.
N0.1 i lo len luh khiah avangin ka lawm khawp mai. Inpuahchah hle mah ila a harsa khawp mai.
ReplyDeleteDolerich, Nia, enkawl viau pawha tha thei lo hi chu an awm chiang a lawm. mahse enkawl hi kan mawhphurhna a ni hrim hrim a, chhia leh tha an hriat hma atanga beih chi a ni maithei.
Ts, Fa neih hian a lo har zia ka hre tulh tulh kan hmangaih bawk si a, thununna han lek mai hi a har duh khawp mai dawn a lo ni.
In lo leng luta ka lawm e.
Ka duh hlawm hle mai, fa enkawl hi har deuh a ni. Pariatna khi anih duh hmel zual em aw, ka ti mai mai.
ReplyDeleteNgaihtuah a ti thui khawp mai.
I thuziakte a tha lutuk. "Tha bik" tia sawi tur reng reng a awm lo. A dik lutuk vek a ni. Fa enkawl puitling tur hian, ei leh in tur pek ngawt hi a lo ni lo. "Pa" nih hi a har lova, "Patling" nih erawh a lo va har dawn tak em. Tihtur a tamin tih loh tur thil a lo va tam dawn tak em. I thuziak hi ka save hmak ang a, ka print chhuak ang a, ka kawl tha khiau dawn a nia aw.
ReplyDeleteI thuziak hi phone atangin ka chhiar a. Current awm hun ka nghak char char a, hei, zinglam hma tawkah ka rawn tlailam um pawng par anih hi. A chhimbial huap tawpa han thim thuap chang hi chuan, chhim lama lui lian tak tak khuap lova a thlawna a luang mai mai hi ka ui thar leh thut thin.
Hv. har tak a ni tih ka hre ve tan.
ReplyDeleteCaribou, Ka lawm e keinia kara i lo duh ve chu. Current chu han nei regu thuai thuai teh un.
In lo luta ka lawm e.
Fate enkawl kawngah pawh Pathian zarah i tha dawn hle mai. I post hi ka save e. Tha tlat.
ReplyDeleteKapa hi fate enkawl lam hi ngaipawimawh thin ngang hi ania. Tunlai hian 'Ka pa min thununna talhfiak' tih ka ziak mek a. Mahse kapa chuan a tluk dawn lo che a nih hi...:)