1) Chungkuaa fate kilkawi lova khawlaia tlattir mai mai thin chu an faten chhungkaw hlutna an hre lova, nun phung an man ngai na hek lo.
2) Pawisa hlutna leh thawhchuah a harsatzia hriattir tur a ni,mite hmusit turin
3) Fate kianga zahmawh sawi pawisa lo chu an fate paw’n zahmawh sawi an ching nge nge.
4) Fate zilh laia nu leh pa an tanrual loh chuan no mawngpawpa tui thal ang a ni,zilh laiin pakhat zawkin an dik lohnaah lo chhan loh tur.
5) Mi Ina lena awm dan mawi hrilh ngai lo nu leh pa chu an fate avangin an la mualpho ang a,hrilh thin nu leh pa erawh chu fate avangin chawimawiin an la awm ang.
6) Beiseiawm a la nih lai hian i fa chu thunun la,boral mai turah ngai suh.
7) Fate tana hun pe tamtu chu faten hun an pe tam ve leh a,an bula awm faten an thlahlel thin.
8) Khawlaiah naupang a tam hle chuan a nu leh pa an ho hle tihna ani a, chutihlai erawh chuan naupang infiam ngai lo leh pawn chhuak ngai lo chu an hrisel lo duh.Tawk chin neia infiampui/tir a tha.
9) Naupang rilru thianghlim tak tibawlhhlawhtu chu puitlingte kan
10) Ei tur pek dan tawk hriat a tha, mamawh bak vir thil lakah khuahkhirhna neih loh chuan naupangin chin tawk an hre lo.Nu leh pa mualphona ani.
1) An dilchhut hun laia an zawhnate chhang tha peih lo chuan engtik niah emaw chuan an fate biak tawng zawh loh hun a thleng thin.
2) Sum leh thil dang hmanga fate tih lungawi tum thin mi chu engtik niah emaw chuan an faten an chhuh luihsak zawk thin.
3) An la tet(naupan) lai nakina an zir zelna tur lo khawl bek bek thin nu leh pa chuan an fate, zirna kawngah an hlawhtlintir nge nge.
4) Nu-in hmeichhe lam ngaihsak bikna tur a tam, chutiang bawkin mipa-ho enkawlnaah pa mawh a lian zual.
5) Fate khawi ilo kal leh lo haw lo lawm thiam hi a tul hle naupangin nu leh pa an ngaihna tizualtu a ni.
6) An thil tih that fak ngai lo chuan naupang rilruah helna a tuh a ni.
7) In hmuh phata hauh emaw mi zinga vin tuar tuar hi nu leh pa tan mahni mawng hlimna a ni.In lama uluk taka zilh hi an dawngsawng thiam zawk.
8) An insiam thatsan tawh emaw sim tawh thilah chuan tih-el leh chhaihte hi chin zui tawh loh a tha.
9) Chhan pakhat avanga vawi tam tak hrem hi a tha ngai lo.Kan hrem chhan kan
10) Fate duat bik leh duhsak bik neih hi a pawi hle, ‘pa chuam’, ‘nu chuam’ tihte hi a tha lo a ni.
1) Mi ze hrang nei vek an ni a,inang khat veka enkawl a rem lo,an mizia zir chian a,an mamawh dan azira enkawl thiam tum a tha.
2) Fate mi zingah rel loh tawp tur, mahni mawng hlimna mai a ni.Thinur hrik thlak nan hman loh tawp tur ani bawk.
3) Mi zingah ninawm khawpin fate chanchin sawi suh,thenkhat mi zinga an chanchin sawi chiam chiam a In lama ngaihsak leh peih hauh lo an awm.
4) Naupang hnena thutiam chu hlen ngei tum tur, hlen dawn loh ai chuan insenso pawh huam tur, a theih ngang loh chuan a theih loh chhan tha takin hrilhfiah tur a ni.
5) Mi fate nena an inhauhin an thlavang uchuak taka hauh sak hi an sualna bul ani thei.A tha ber chu In lama zilh hi a ni.
6) Thawnthu phuahchawp (dawt) hrilh ai chuan true story(thil thleng ngei) ngaihnawm taka hrilh a tha.Rinawmna te, dawt that loh zia te hi hneh taka hrilh a tha a, entawn tur siam
7) Fate beng hriata mi rel ching nu .chuan fa chimawm tak a nei nge nge.
8) Nu leh pa nungchang that loh avanga fate an zah fo chuan a tawpah mi zak thei loah an chhuak duh khawp mai
9) Fate bula ring tak taka te leh rak vel a tha lo,zilh pawhin aw ki pangngaia zilh thin tur.
10) A naupang lam hi a upa zawk laka chhan lutuk a awl thei.U-te zah dan hrilh a tha ber fo.
1) Mahni ta ni lo inkhawihpui lo tura zirtir thin a tha, buaina pumpelhna a ni.
2) An intihbuai lai chauhva ngaihsak hi a tha lo, intihbuai hi ngaihsak hlawh nan an ching thei.
3) An tih theih tawk, duat avanga tihtir duh loh hi hlawhchhamna bul a ni.
4) An thiante mimal taka sawisel ai chuan an kawm tur kan
5) Kan
6) Fate hriata nu leh pa inhauh hi hnam changkang lo zia ani.
7) Fate bulah Kohhran hruaitute rel suh,Kohhran hlutna an hmu dal thei.
8) Tleirawl tantir leh nula tlangvalte hi kawmngeih an ngai em em, sualna pumpelhna kawng a ni.
9) Chhung Inkhawmna neihpui hi Pathian thua inkaihhruaina tha tak a ni.Chhung Inkhawm hi tih rei loh hram hram a tha, naupangin an ning thei,an chanvo ve turte siamsak a tha hle.Tawngtaitir,Bible chang vawn sawi chhuahtirte zai-hote a tha hle.
10) Nu leh pa in Pathian an tih tlat chuan, fate hian tih ve turah an ngai mai thin.Fate hian nu leh pa an hlau ber a, an hlauh ber nu leh pain Pathian an tih tih an hriat chuan Pathian chu tih turah an ngai mai.
1) An naupan laia Pathian thu hrilh thin hi an lo len hnua min chhawk zangkhaitu tur a ni.
2) Pathian leh Kohhran zah lohna tawngkam an hriatah hman loh tur an hman pawh phalsak loh tur,hremna thamah ngaihsak tur a ni.
3) Nu thenkhatin an fate hnenah ‘I pa ka hrilh ang a, a vua ang che’ te an ti thin a tha lo.Pa-te nel lohna a siam
4) Rui chunga thu tha hrilh hi Lo-a Buh si theh ang a ni.
5) Thawh hun, mut hun bithliahsak hi an puitlin thlenga an chin dan tur a ni.
6) Ruahmanna fel, rorelna fel leh thu tlukna siam
7) Lehkha zirnaah naupang chu mi angin a thiam thei tih hrilh fo a tha,inrintawkna siamsak tur a ni.
8) Thiam thei zir peih lote an hriatah fak suh, bei hram hramte hlawhtlinna sawi uar zawk rawh.
9) An len chhuahnaa an thil rawn neihte engtianga nei nge an nih chik pui tur a ni.
10) An zirlai atana tulte ngaihtuah sak hram hram hi an mahni tiphurtu a ni.
1) Fate sawi na zawng hi awihsak vek a tha lem lo,an zualkona na zawng thu taka laksak hi a tha lo hle, amaherawhchu an zirlai khawih pawi thei leh an rilru natna thlentu hi chu thiam taka thil awm dan hriat tum a, a siamthat dan kawng zawn sak tur a ni.
2) Fuih an ngai em em,an taihmak phawt chuan an thiante aia an la ropui theih thu te hrilh a, an zirtirtute laka an hnual te hian fuih ngat ngat tur a ni.
3) An zirlaibu chauh ni lo lehkhabu tangkai leisakte hi a tul hle.Lehkha chhiar hrim hrimte hi taihmaktir tum a tha hle.
4) An Exam lai chuan mahni exam ang maia tan lakpui hi a hlu, khum atanga tho rawh tih rikngawt ai chuan thawhpuia eitur siamsakte hian nuam an ti thin.
5) An lehkhazir laia an bula lo thut ve hian an thla a muanga, an zir that theih phah thin.Kal bosan rikngawt hian an khuate a har thin a ni.
6) Khawvela pa hausa leh mi ropui pakhat chuan a fapa present atan a hun sawma pakhat a hlan a, a fapa lawm lutuk chuan a thiante a hrilh nghal zuk nia.
7) An sikulah leh len chhuahnaah pawisa paitir vak vak a tha lo, fate tihsualna a ni.
8)Thiankawm leh Ina lo lengte kawmin tawngkam hman fimkhur tur a ni, faten an hre ru khiau thin.
9)An lehkha zirna tur Dawhkan, eng leh hmun fianrial neih theih vek a ni, ngaihsakpui loh vanga nei lo kan
10)Hmun fianrial-a lehkha zirpui hi puitlingin kan peih lo fo, sitting room-ah inleng karahte kan
1) Tleirawl zirlaite an lehkhazir chhuanlama an thiante an pan fo hi khap beh theih a ni, hmeichhia phei chu fimkhur zual a ngai.
2) Tution laksak dawnin fimkhur tur, abikin hmeichhe tleirawlah, thil pawi a thleng zeuh zeuh reng a ni.
3) Fate test&Exam result enpui peih a, an tih that chuan lawmpui a an tih chhiat chuan fuihte hi a tangkai hle.
4) Naupang thinlungah chuan atna a bet tlat a, mahse thununna tiangin hla takah a hnawt kiang ang.
5) Naupang hian an hmuh leh hriat tam lam kawng an zawh thin.
6) Nu leh pa zirtirna aiin nun danin naupang ahneh zawk.
7) Kan
8) An thil chin tha lo kan
9) Fate tihkhawhar loh tur, nu leh pa thenkhat chu room-ah an fate hmuh lohvin an inkhung bo daih thin a, fate khua a har thin.
10) Fate zingah danglam bik an awm chuan lawm tur a ni.Luhlul bik, rorum bik, thinchhe bik te hman thiam chuan mi ropui nihtir theitu an ni.
1) ‘A fel tur chu an fel mai’ tih hi nu leh pa thatchhiate inhnemna a ni.
2) Kar khata ni zawng zawng hi fate hminga sem a, an puala tawngtai hun bi neih hi a tha hle.Entirnan John Wesley chu a nu-in ningani(Thursday) apiangin a tawngtaisak thin.John Wesley-a thuhril-a harhna a lo thlen pawh khan Ningani tlaiah a lo thleng tlat a ni.
3) Mawhphurhna an kova pek/dah hi an lawm duh hle.
4) Fate aia sum ngaipawimawh chuan an fate nun kha sumin an hralh a ni.
5) Isaac Watts, hla phuahtu ropui tak chu kum 9 anihin a piangthar,England-a thuhriltu ropui berte zing a mi Jonathan Edwards chu kum 7 anihin a piangthar a, Bible Commentaries ziaktu ropui Matthew Henry chu kum 11 anihin a piangthar.
6) Harvard University-in naupang sual chungchang a zirchianna-a a hmuh dan:10-a6 chu an pate zu in mi an ni a, an nute pawhin an in thin. 4 zela 3 chu an nu leh pa ten an khuahkhirh loh te an ni. 5 zela 3 chu nu leh pa inngeih lote an ni, 10 zela 7 chu chhungkaw inkawm khawm ngai lote an ni a, 5 zela 4 chu nu leh pa’n an thian kawmte an ngaihsakpui lo va, 5 zela 4 chu an nu ten an sawisel reng thin a,5 zela 3 chu an paten an hauh reng thu an sawi bawk.
7) Mi tu pawhin Pathian ngaihsak mi fa a neih chuan a rethei lo vang.
8) Nupui /Pasal chu kan inthen thei mai, mahse fate chu kan kan
9) An dam loh nikhuaa tawngtaisak thei lo nu leh pa nih hi a zahthlak zawk a, tawngtaisak thintu erawh chuan a man a tel thin.
10) I fate rilru puthmang chu:-
Kum 4: Ka pa chuan engkim a tithei, a chem pawh a hriam ber.
Kum 7: Ka pa chuan thil a hre teuh, a hre vekin ka ring.
Kum 9: Ka pa hian engkim chu a hre vek bik lo.
Kum 12: Ka pa maw a hre lehpek lovang.
Kum 14: Ka pa chu a thing bawn tawp.
Kum 21: Ka pa hi chu a hlui tawh lutuk.
Kum 25 : Ka pa hian engemaw chu a hre ve, mahse a hre tlem.
Kum 30 : Ka pa ngaihdan hriat kan
Kum 35 : Thu tlukna siam
Kum 40 : Ka pa khan hetiangah engtinnge thu tlukna a siam
Kum 50 : Ka pa khan thil chu a lo hre viau anih hi.
Kum 60 : Ka pa kha han biakrawn leh theih ka va’n duh em!
1) Awmpui neih vangin fate dah awl ngawt suh an tih theih tawk tihtir hi nakina an la mualpho lohna tur a ni. Awmpui neih vanga fate dah awl thin chuan fa thatchhia a la nei ang a, a tui tha tha duh ve siin engmah a thawk peih si lovang.
2) Mi ropui tak fa nei te hi nu leh pa ropui an ni vek chuang lo. Mahse theihtawp chhuaha fate enkawl thin an ni tlangpui.
3) Fate an lo len hmain i enkawl dan tur uluk takin ngaihtuah thin ang che.
4) An hlauh ai chein an zah che a hlu zawk, an hlauh che chuan i dik loh vang ani ang a, an zah che chua I thawhrah ropui tak i tel mek a ni.
5) An lo sual hnua Pathian hnena rilru hah taka dil ai chuan an sual hmaa rilru zangkhai taka Pathian hnena hlan fo hi a hahdamthlaka a finthlak bawk.
6) Sum ringawt ngaihtuah chhungkua chu, an ropuina chu sum a ni a, an mualphona pawh sum a ni a, an thih chhan pawh sum a ni.
7) Dam chhan a ropui chuan thih chhan pawh a ropui nge nge, Pathian damchhan chuan a thihchhan ang a, chawimawi a la ni ang.
8) Tu nge i nih tih chu i faten an la rawn phur chuak ang chu.
9) An lo sual pawhin ngaihdamna neitu angin awm suh ngaihdamna neitu chu Pathian a ni tih hriattir la hruai thin zawk ang che.
10) Ka chhandamtu min vengin a hnai reng, thil eng pawh lo thleng se ka him a ni,thlipui leh ruahpuiah min thukru-A KUTPHAH ROPUI CHHUNGAH.
A va'n tha thuai thuai em! Ropui taka comment dan awm se ka va duh deuh ve! Han quote mai ka tum a, thur chhuah duh ka ngah ta lutuk a, ka ti ta lo mai! A tha lutuk tlat.
ReplyDeleteMizoram nu leh pa zaa 90 hian hetiang hian ti thin se kan ram hian hma a sawn khawp ang maw le. Ka save leh e. Tluk loh rim i nam ngei mai.
Ka chhiar thla nghauh nghauh a, a tha hlawm kher mai. Hetiang ngata i fate i enkawl chho anih chuan leh.... i fate an awhawm dawn hle mai. I thuziak atang hian mahni inenfiahna tur ka va lo ngah tak em. Ka print chhuak dawn a nia aw.
ReplyDeletedolerich ngaihnawm lo hle mahse i lo leng lut duh a, ka lawm ngei mai.
ReplyDeleteCaribou...eng ruai chu ka ni lo e. Ka nep lutuk, mahse inenfiah ve fo chu tih tur niin ka hre bawk si a.
A mamawhte tan a ni. Keia kara ka ziah ve in lo hman duh phawt chuan lo hmang ru ka lawm khawp ang,. I lo leng a ka lawm.
A tha hlawm hle mai a. Thliar hrang pheuh pheuh la, Zorama kan in leh loah han tar ila a that hlawm khi le aw. Pawimawh khawp mai fate enkawl hi...
ReplyDeleteDawt thawnthu hrilh khi ka pa hian a remti leh pek khawp a. Thawnthu mai ni lo dawt phuahchawp hi naupang hrilh a phal ngai meuh lo.
Kan upa ber hian nupui a nei a, kan duat khawp mai a(kan farnu neih chhun min boral san vang niin ka hre ber), ka pa phei chuan a duat bik hle. Naupang dawt hrilh loh tur tih hi a sawizeuh zeuh thin. Mahse kan mo chhungkaw danga selian ta chuan a lo ti thang deuh tawh aniang chu- naute pa kha a zin dawn a, naute khan a ngen vak vak mai a. Naute pa chu a kal liam chauh tihah kan mo chuan naute chu a thlem ta a. "Duata vawiin tlaiah ipa chu a lo haw dawn alawm" a ti vei ngawt a. Ka pa a trek nasa mai. "Kar khat a cham dawn alawm engah nge dawt i hrilh, khatiang kha chuan ka fanu i nei thei loang" a ti siah mai a. Kan mo kan duat em em, a pasal(kan upa ber) awm loh laia chutia ka pain a ti chu a rilru a na khawp mai. A mittui a tla zawih zawih nia mawle. Mahse ka pa hi pa maksak tak mai ania. Zan mut dawnah kan mo chu a kawm tha leh a, a lungawi viau. Kan sawi tak duah chu a..... i bula awm a nuam e.
A va han tha hlawm tehlul em! Fate tana pa tha i nih tur zia hi. Nu leh pa zawng zawngte hian chhiar thei sela ka ti ngawt mai. Kei pawh ka save chiang e. A va han tha hlawm tehlul em! Fate tana pa tha i nih tur zia hi. Nu leh pa zawng zawngte hian chhiar thei sela ka ti ngawt mai. Kei pawh ka save chiang e.
ReplyDeleteKrista, i lo luta thu ngaihnawm tak min rawn share a, ka lawm khawp mai. i pa hi ka tran ru riau mai.
ReplyDeleteTs, i tel lo chuan post dang kal kan zuam nem le. I lo lut hi ka lawm khawp mai.
A van tha hlawm em ! Chhungkua pawimawhna hi kan sawi vul zel a pawimawh khawp mai. Khawthlang lamah pawh family value a chhe mek a, an khawtlang nun a chhe cho zel chu ani. Chu chuan kohhran a nghawng mek bawk si a.
ReplyDeleteA va tha em.. Ka save hmak e. Hetiang thu tha hi chhiar zen zen tur a vang em mai. Nakinah ka la print out ngei ngei ang.
ReplyDelete