Tun tum chu hlahril ka'n post teh ang.
Kum 15 vel chiah chiah a vei ta; tleirawl te kan la ni. Hostel-ah khawhar takin ka awm a, lunglen tizual turin thla lah chu insum lo takin a eng phung mai a he hla hi ka chham chhuak ve ta a ni.
Kum 15 vel chiah chiah a vei ta; tleirawl te kan la ni. Hostel-ah khawhar takin ka awm a, lunglen tizual turin thla lah chu insum lo takin a eng phung mai a he hla hi ka chham chhuak ve ta a ni.
Chhawrthlapui van zawl kaiin a her,
Chul hnu nunhlui hmatiangah a tar.
Lawmlai kawlkung, zun tin phur i ni;
Lunglen thal chhuakin zan khua tlaia’n,
Ziakfung chawi lohzia reng em ni le.
Siamtu kutchhuakah i mawi chuang ngei,
Zaleng leh nung thil tinreng mai hian,
Laikhum belh zai kan
Mangbo lovin chhuahtlang mawi la,
Vanpui khum siamtu min hlui i ni.
Hmanah thlang sappui chun leh zua ten,
Saisen an kaihlai tawnah.
Lei ram pela chuan tur chein an hrilh.
Zofa leng tan i mawina maw,
Zuapa’n tleithiah min ban zawk e.
Note: Vanpui khum: Malsawmna
Chang tawp ber: Sap chuan an nauawmte hnenah " Thla khi nakina mama la lawnna tur a nia, an ti" an ti a.
Mizote erawh chuan, " Thlaa lo tla rawh matea'n a awrh nelh nelh ang che" an ti thung.
Lunglen thal chhuakin zan khua tlaia’n,
ReplyDeleteZiakfung chawi lohzia reng em ni le.
Hei lai tak hi a ril ruih ruih khawp mai.
Sap chuan an nauawmte hnenah " Thla khi nakina mama la lawnna tur a nia, an ti" an ti a.
Mizopa chuan, thlaa dum nel nel khi "Bungpui a ni e" an tia, a zara hauhuk ban nelh nelh pawh an hmu thin. Chakma ho chuan "Dangpuithu (sidhawl) anih khi" an ti a. Khasi ho chuan "Jadoh" an ti a, Gorkhali bawngchaw sat ho chuan "Bawngchaw tur tam tak ni maw le" an ti ve thung. Tuikuk ho paw'n "Tangkawng sa anih khi" an ti. He he he... ka phuahchawp anih hi.
A tawp lam khi a hit riau
DeletePoetry khi chu sawi lohva luma mawi ani. A tawpa note khi kan kawmen teh hlauh ang.
ReplyDeleteMizote hi chu kan thil thlirdan hi a danglam deuh thin ani. Mi fate chuan sava thlawk an thlir atangte khan thlawhtheihna te an siamchhuak ani ngai a, keini ve chuan Selesihah te khan kan lo au thla vel a!!!!! Mi faten theirah tla an hmuh atangin leihipna te an hmuchhuak a, kan Samdala erawh chuan a ka in a lo dawng thung a!!!!...
Tunlai thleng pawh hian hetianga kalna chen hi kawng tamtakah kan la nei lo maw?
Kum 15 hma lamah pawh khan heti khawp hian i lo ril tawh a ni a, tunah hian eng ang taka ril ni tawh ang che maw.
ReplyDelete'Ber thla a han thleng chho a, thla a han bial eng phung mai hi chu lungleng ngai lo pawh hi an lung a len loh vek pawhin thlaeng hi chu nuam an ti ve hrim hrim thin hi chuan ka ring thin a lawm mawle.
"Fur khaw thiang chhawrthla eng i iang e"
CFL a hla hi tluangtlam si mawi si ni ve chuan ka hria.
@Caribou, a nih duh hlawm hmel tak hle mai a.
ReplyDeleteCyber, nei teh reng e mahse a bo hret hret ang a, kan la puitling ve mai turah ka ngai. Education hian kan rin dan min thlaksak nasa tawh nia.
Triple. ka ril lo tulh tulh. Hla phuah hi nuam ka tih ve theih teh reng nen, phuah tur a lawi pawh ka hre tawh lo.
Engtinnge chhunzawmna kha(CFL-a) khan " ngaihno bei chuang hmangaih..." tih vel a nih kha mawi ve riau a sin.
In lo leng lut a ka lawm e.
a hla thu hian a phuahtu ril zia a hril chiang hle mai :D
ReplyDeletethenkhat lahin -
Piang zawng tana chhawrthla eng mawi
Kei ka tan zawng chhawr loh thlapui
A lo her chhuak zan tlai nemah
A chuai si lo kei ka chuai ta... an ti lawm lawm bawk a..
Din, chhawr loh thlapui tia au au pawh hian an lo chhawr khawp a sin.
ReplyDeleteRil pawh ka inti lo, mahse, ka tleirawllaia ka phuah a nih avang hian ka ngaihlu phian.
I lo tei luta lawmawm thei.
Chhawrloh Thlapui kalo ti thin a, i ziak chhawrthlapui ta vek mai, i thiam hle mai.
ReplyDeleteThla arkaiden zan a lo ni a, thian zahovin guitar nen kan inak chhuak a, thlaeng thlir paha kan han zai thler duar duar mai thin te kha a lo nuam khawp mai. Khawpuiah chuan chhawrthla eng pawhin hlutna a nei ta lo.
ReplyDeleteAizawlah tak ngial pawh thla arkaidenzan kan hre lo dawn ta mai. Hv. nangni ramah phei chuan in hriat ka ring lo lehzual. Mahse thla a han en meuh hi chuan engemaw hi chuan kan la ni deuh a alawm. Ka thianpa'n "kawng hrang hrangin kan easy" a tih kha ka hrechhuak.
ReplyDeleteCaribou khang lai hun kha lawm nunin a ngaih em em thin chu, tunah lem a eng ve mai mai ta a ni ber.
Kum la naupang tรซ si kutchhuak ni รขwm lo hial a ni! A mawiin a thu a puitling khawp mai. Heti lamah i tui hma hle tih pawh a hriat e. Poetry lamah hi chuan ka harh vak lo a nih hi!
ReplyDeleteA nalh hle mai. A Thla tak hian i thu phuah awmzia hi hria se a lawm hlein ka ring. I tleirawl lai pawhin i lo ngaihtuah ril bik hle mai.
ReplyDeleteTs, min fak dernaah ka lawm e. Poetry hi ka tui ve viau thin a, mahse khatih lai khan blog-te hi a la awm lo nen han infuihchak kha kan mamawh ve thin a; fuihtu awm ta lo chu mahni tawka tui kha mahni tawkin ka zuzi leh ta mai thin lawm leee.
ReplyDelete@Zaia, thil pakhat min tihrechhuak, nu pakhat Vawkchaw tur Dawl phur luk luk hi kan thenawmpa'n 'vawk chuan hmu che se, a nui vur vur ang chu ' a ti. Phak tawk thiltih min fak dera ka lawm e.
In lo lenglut a, ka lawm.