19 June, 2013


Tunlai chuan nupui pasal kan inneih hian kan sakhua leh lawina kan tifel hmasa tlangpui tawh a, hei hi nihphung nghet takah kan la tawh a ni. Kohhran hrang an inneih dawn pawhin an lawina tur an inpe fel hmasa a nih loh vek pawhin an lawi dun dawn lo tih an inhre lawk a, mihring kan zalen tawh hle. Hman lai Mizo nunah erawh kha chuan an ‘Sakhua’ khan a thunun tlat avangin an Sakhaw biak kha a nuar anga a rawn sawisa hrep mai ang tih kha an hlau a ni. An hrisel theih loh emaw vanduaina an tawk mawlh mawlh emaw a nih chuan  an Sa biak kha a nuar taah an ngai a, tlawn lungawi a tul thin. Chi leh kuang kengtu chu mipa anga an ngaih avangin Chhungkaw Sa biak pawh mipa Sa kha a ni.

Mipain a sakhaw biak a thlak duh chuan an chi bil Sa biak atangin hnam(chi) dang Sa a va be thei a, chu chu saphun an ti a, Ralte pain Luseia sa a phun tawh chuan Ralte a ni tawh lo va, Lusei a ni tawh a. An sakhua an tlawn lungawi zo dawn lova an hriat emaw chi dang Sa kha a malsawm zawk emawa an hriat chuan saphun an thlang mai thin. Hmeichhia erawh chuan sa an phun ve thei lo va; a pasal Sa biak kha be ve tur a ni. “Hmeichhia leh chakaiin sakhua an nei lo” tih tawngkam hi deusawhna lam a ni lo va, thawk palai an nihna ki atanga sawi an ni. Tunlaia Kristiana kan inpe hi mi thenkhat chuan ‘saphun anga sawi luh tum an awm thin a, a dik ziktluak lohna chu tunlaiah chuan hmeichhia pawh Kristianan an inpe thei a, saphun ang zawnga kan sawi dawn chuan hmeichhiain sa an phun ve thei lo.

Pasal a neih hnuah pawh a pasal chhungte Sa kha a la be ve thei chuang lo, an indan hma chu. An indan hma chu sakhaw bul bal nei lovin a awm ang a, a pa sakhua kalsan tawh si pasalte sakhua la zawm ve thei si lovin a awm ang; chu chu dahhniamna lam ki a ni lo va, mawhphurhna tak tak la pek loh vang leh sakhua tinuar tura mawh la thei lovin an dah zalen a ni zawk mah. An indan hma erawh chuan a pasala chhungte vawkpa sutnghak sa erawh dan angin a ei ve thei thei lo, a ei ve vaih chuan a pasala chhungte Sa biak kha a nuar anga chhungkuaah a rawn tuan dawn a ni. Kawng khat chiah a awm, a ei ve theih nan: a pasal pa chuan, “kha uipui kha sa pe ve rawh u” a ti ang a, tichuan sa chu a ei ve thei ang. Sakhua an bum a ni. Uipui na na na chu an Sa biak khan a thik lo va, an monu chuan a rawp em em vawksa tlei leh puar taka a ei ve theih dan tur an zawnsakna ki a ni a, deusawhna lam ki a ni lo ve. Hman lai khan vawksa hi an ei zen zen lo va, an rawp thei hle ang tih pawh a ngaihtuah theih.

A pasal nen an indan tawh chuan ‘sakung an phun’ dun ang a, tichuan a pasal Sa chu a be ve thei tawh ang. A pasalin a thihsan chuan a pasal thlarau chu an in kiangah thla thum a awm tura ngaih a ni a, chumi chhung chuan a pasal thlarau chu chaw a pe-tlaichhiah ve thin tur  a ni. Thla thum a pelh hmaa mi dang a ngaih chuan uire a ni ang, pasal nei lai anga chhiar tur a ni. Thla thum hnuah chuan a pasal thi ta laka a inthen nan “kaihchhuah/kaithian” a ti tur a ni a, a hmeichhe paten ar thlahual an tihsak ang a, a kaiha inkaih chhuah erawh phut a ni kher lo. A pasalte inah pawh awm zui duh se, a awm zui thei tho va, amaherawhchu kaihchhuah chu an ti ngei tur a ni. Hmeichhe tam tak chu an pasal chhungten an chelh zui fo va, tin, indang tawh an nih pawhin Kaihchhuah tih tho a ngai a. A nuta a lo kal ang a, ar a rawn keng ang a a rawn ral ang, an talh tur a ni, kaichhuak emaw kaithang emaw kher lo mahse kaithian an ti ngei tur a ni. Hmeichhe kaichhuak tur nei lo nih hi an duh ngai lo va, mi tlahlang zah phur lo an nih avangin khual khuaah pawh nei se pazawn an nei hram hram thin. Chutih rual chuan a pasala pate chhungin kaichhuak tura an nawr reng hmeichhia an awm ve bawk a, chung mite chu mi lepler anga ngaih an ni a, khawhar inriak lo ngai zui an nih phei chuan hmeichhe nasaah an chhiar thin.

A pumpuia ngaihtuahin hmeichhiate hi thawk palai angin an dah ber a, Chakai sa sa ni suh, hmeichhe thu thu ni suh ti pawh hi chumi atanga lo kal, khawiah pawh tla/awm thei anga an ngaihna ki a nih hmel. Tunlai Kristianna engah erawh chuan hmeichhia hi an zawh loh mawhphurhna kan pe ta mai em ni tih tur a ni a, pipute khan an duat thiam hle zawk a ni. Kohhranah Rawngbawlna rip tak tak kan pe a, chhungkaw mawhphurhna fa enkawl leh thil dangah an hah bawk si a, chhungkua pawhin a tuar hle a ni.

Ka han ti ve mai mai a ni. Hmeichhe deusawhna tawngkam hrang hrang kan hriatte hi han bihchian chuan deusawhna lam a nih hmel loh e, an duhsakna leh an thuammawina ki a ang mah.


  1. A va tha kher em aw. Ka chhiar lovang tih ka hlau hle mai.

    A bik takin “kaihchhuah/kaithian” khian ka mit a la zual. Hetiang dinhmuna ding hi hmelhriat pakhat ka nei a, a pasalte inah a la awm ve ta reng a. Ka bengvar sawt mai.

  2. I rawn leng lut a, ka thu leh hla ropui lo tak min rawn chhiarsak a, ka lawm hle mai.

  3. A ngaihnawm hle mai. Pi leh pu te hunlai kha chu ka han mitthla thiam ve tak tak lo na a, a awmang chu ka hrethiam mai e...

  4. Most people do not know when is mother’s day? they get information about this day through social media like Facebook, twitter. Send Mother's day quotes 2017 to your mom. And show her how much you love her. While you can send Mother's day quotes, Mother's day wishes 2017 as well.

  5. happy easter sunday happy easter sunday Happy easter quotes Happy Easter images easter word search Here are some Easter word search printable are available for you to celebrate this wonderful occasion.

  6. Father's Day is celebrated for a special person of the family - father. All the sun and daughter are express love feeling with their dad and make a day extremely special. If you want to celebrate this Father Day with your father, then you need to some Beautiful Fathers Day Images, Fathers day Wallpapers, and Fathers Day GIF. FathersDayquotes Here we collect best Fathers Day Quotes Images for you. Father's Day is celebrated in all over the world on the different days.

  7. Father's day we have arranged the collection for you which will surely spread everlasting impression on your dad. We tried to touched every aspect and feelings and emotions that describe the relation of fathers and child. In this , happy fathers day poems here we have fathers day just for your entertainment. This is the very important occasion to rejoice with happiness so on this a thought came to our mind that we should do something for the person who live for us. He is the person who earn livelihood to feed us and forget all his dreams and hobby for us. So my dear friends we should not slip the moment . We did a lot of hard work to collect these father days blog for you.

  8. This is what i was looking for thak you for sharing this amazing post. keep on posting these kind of nice post
    independence day quotes
    Eid Mubarak Quotes


  9. Christmas is an annual festival commemorating the birth of Jesus Christ, observed most commonly on December 25 as a religious and cultural celebration among billions of people around the world. A feast central to the Christian liturgical year,http://www.merrychristmasquotesimageswishes.com/2016/12/merry-christmas-images-pictures-wallpapers.html it is preceded by the season of Advent or the Nativity Fast and initiates the season of Christmastide, which historically in the West lasts twelve days and culminates on Twelfth Night in some traditions, Christmastide includes an Octave. Christmas Day is a public holiday in many of the world's nations, is celebrated religiously by a majority of Christians, as well as culturally by many non-Christians, and forms an integral part of the holiday season. In several countries, celebrating Christmas Eve has the main focus rather than Christmas Day.